10వ తరగతి SA-1 పరీక్షలు – స్కూల్ లెవల్ అబ్జర్వర్ల (SLO) నియామకం, విధులు & అదనపు మార్గదర్శకాలు 🔴 DSE ఉత్తర్వులు – 08.11.2026

📢 10వ తరగతి SA-1 పరీక్షలు – స్కూల్ లెవల్ అబ్జర్వర్ల (SLO) నియామకం, విధులు & అదనపు మార్గదర్శకాలు

 

🔴 DSE ఉత్తర్వులు – 08.11.2026

 

ఆంధ్రప్రదేశ్ పాఠశాల విద్యాశాఖ డైరెక్టర్ శ్రీమతి తమీమ్ అన్సారియా, IAS గారు Rc.No. GE-EXAM0SSC(INST)/13/2026-DGE ద్వారా 10వ తరగతి సమ్మేటివ్ అసెస్మెంట్–1 (SA-1) పరీక్షల నిర్వహణ, మూల్యాంకనం, LEAP యాప్‌లో మార్కుల నమోదు పర్యవేక్షణకు సంబంధించి అదనపు మార్గదర్శకాలు జారీ చేశారు.

 

📌 ముఖ్య గమనిక:

ఈ మార్గదర్శకాలు ప్రభుత్వ, ఎయిడెడ్ పాఠశాలల్లోని 10వ తరగతికి మాత్రమే వర్తిస్తాయి. 1–9 తరగతులకు గతంలో జారీ చేసిన మార్గదర్శకాలే వర్తిస్తాయి.

 

🔹 1. SLO అబ్జర్వర్ల నియామకం

 

📚 లాంగ్వేజ్ పరీక్షల రోజుల్లో (తెలుగు, హిందీ, ఇంగ్లీష్):

➡️ పొరుగు మండలానికి చెందిన నాన్-లాంగ్వేజ్ స్కూల్ అసిస్టెంట్‌ను SLOగా నియమించాలి.

 

📚 నాన్-లాంగ్వేజ్ పరీక్షల రోజుల్లో (గణితం, ఫిజికల్ సైన్స్, బయోలాజికల్ సైన్స్, సోషల్):

➡️ పొరుగు మండలానికి చెందిన లాంగ్వేజ్ స్కూల్ అసిస్టెంట్‌ను SLOగా నియమించాలి.

 

❌ ఉపాధ్యాయులను వారి సొంత మండలంలోని పాఠశాలలకు SLOలుగా నియమించకూడదు.

 

🔹 2. మూల్యాంకనం – 3 రోజుల గడువు

 

✅ పరీక్ష ముగిసిన తర్వాత అదే పాఠశాలలోని సంబంధిత సబ్జెక్ట్ టీచర్ 3 పనిదినాల్లో జవాబు పత్రాలను మూల్యాంకనం చేయాలి.

 

✅ జవాబు పత్రాలు ఎట్టి పరిస్థితుల్లోనూ పాఠశాల బయటకు తీసుకెళ్లకూడదు.

 

✅ మూల్యాంకనం చేసిన పత్రాలను HM పర్యవేక్షణలో భద్రపరచాలి.

 

🔹 3. నాలుగో రోజు మూల్యాంకన పరిశీలన

 

➡️ అదే మండలానికి చెందిన సంబంధిత సబ్జెక్ట్ టీచర్ (SA) మూల్యాంకనాన్ని పరిశీలించాలి.

 

➡️ కనీసం 5% జవాబు పత్రాలు లేదా కనీసం 5 పేపర్లను ర్యాండమ్‌గా తనిఖీ చేయాలి.

 

➡️ పరిశీలన వివరాలను రిజిస్టర్‌లో నమోదు చేసి సంతకం చేయాలి.

 

➡️ ఏవైనా లోపాలు గుర్తిస్తే HM మరియు సంబంధిత మూల్యాంకన టీచర్ ద్వారా సరిదిద్దించాలి.

 

⚠️ SLO స్వయంగా మార్కులను మార్చకూడదు.

 

🔹 4. LEAP యాప్‌లో మార్కుల నమోదు

 

📱 4వ రోజు పరిశీలన పూర్తయిన తర్వాత 4వ రోజు నుంచి 7వ రోజు లోపు తప్పనిసరిగా LEAP యాప్‌లో మార్కులు నమోదు చేయాలి.

 

🔹 5. పరీక్ష రోజున SLO విధులు

 

⏰ ఉదయం 8:30 గంటలకే కేటాయించిన పాఠశాలకు చేరుకుని HMకు డ్యూటీ ఆర్డర్ సమర్పించి హాజరు సంతకం చేయాలి.

 

✅ గదుల ఏర్పాటు, సీటింగ్ ప్లాన్, ఇన్విజిలేటర్ల నియామకాన్ని పరిశీలించాలి.

 

✅ ఉదయం 9:15 నుంచి మధ్యాహ్నం 12:30 వరకు పరీక్ష సజావుగా జరిగేలా పర్యవేక్షించాలి.

 

🚫 మాస్ కాపీయింగ్ జరగకుండా చూడాలి.

 

🚫 పరీక్ష సమయంలో మొబైల్ ఫోన్ల వినియోగాన్ని నిరోధించాలి.

 

⚠️ SLO స్వయంగా ఇన్విజిలేషన్ చేయకూడదు. జవాబు పత్రాలను స్వీకరించకూడదు.

 

➡️ ఏవైనా లోపాలు గుర్తిస్తే వెంటనే HM దృష్టికి తీసుకెళ్లాలి.

 

📝 పరీక్ష ముగిసిన వెంటనే విద్యార్థుల హాజరు వివరాలు, పరీక్షలో జరిగిన అవకతవకలు ఉంటే వాటిని లిఖితపూర్వకంగా MEOకు సమర్పించాలి.

 

➡️ అనంతరం తిరిగి తమ సొంత పాఠశాలకు వెళ్లి విధుల్లో చేరాలి.

 

🔴 ముఖ్యమైన సూచన:

 

10వ తరగతి SA-1 పరీక్షల నిర్వహణలో పారదర్శకత, క్రమశిక్షణ, నిష్పక్షపాత మూల్యాంకనం ఉండేలా HMలు, సబ్జెక్ట్ టీచర్లు, SLOలు సమన్వయంతో విధులు నిర్వహించాలి.