ఆగస్టు 2026 నుండి స్కూల్ క్లస్టర్ కాంప్లెక్స్ సమావేశాలు పూర్తి రోజు (Full-day) కార్యక్రమాలుగా నిర్వహించబడతాయని తెలియజేయడమైనది. ప్రాథమిక స్థాయి (Primary) క్లస్టర్ కాంప్లెక్స్ సమావేశాలు:

 

 

*ఆగస్టు 2026 నుండి స్కూల్ క్లస్టర్ కాంప్లెక్స్ సమావేశాలు పూర్తి రోజు (Full-day) కార్యక్రమాలుగా నిర్వహించబడతాయని తెలియజేయడమైనది.*

  

*ప్రాథమిక స్థాయి (Primary) క్లస్టర్ కాంప్లెక్స్ సమావేశాలు:*

 

SGTలు: ప్రతి మండలంలోని ఎస్జీటీలను రెండు గ్రూపులుగా విభజిస్తారు.  

1 & 2 తరగతులను బోధించే 50% మంది ఎస్జీటీలు ప్రతి నెలా మూడవ శనివారం నూతనంగా మ్యాప్ చేసిన క్లస్టర్ కాంప్లెక్స్‌కు హాజరవుతారు.  

3, 4 & 5 తరగతులను బోధించే మిగిలిన 50% మంది ఎస్జీటీలు ప్రతి నెలా నాల్గవ శనివారం నూతనంగా మ్యాప్ చేసిన క్లస్టర్ కాంప్లెక్స్‌కు హాజరవుతారు. తద్వారా పాఠశాల మరియు బోధనా కార్యకలాపాలకు ఎటువంటి ఆటంకం కలగదు.  

ఉదాహరణ: ఒక మండలంలో 6 క్లస్టర్ కాంప్లెక్స్‌లు ఉంటే, వాటిని 1 & 2, 3 & 4, 5 & 6 గా జతచేసి (మ్యాపింగ్) సమావేశాలు నిర్వహిస్తారు.  

మూడవ శనివారం: కాంప్లెక్స్ 1 ఉపాధ్యాయులు కాంప్లెక్స్ 2 కు, కాంప్లెక్స్ 3 ఉపాధ్యాయులు కాంప్లెక్స్ 4 కు, కాంప్లెక్స్ 5 ఉపాధ్యాయులు కాంప్లెక్స్ 6 కు హాజరవుతారు.  

నాల్గవ శనివారం: కాంప్లెక్స్ 2 ఉపాధ్యాయులు కాంప్లెక్స్ 1 కు, కాంప్లెక్స్ 4 ఉపాధ్యాయులు కాంప్లెక్స్ 3 కు, కాంప్లెక్స్ 6 ఉపాధ్యాయులు కాంప్లెక్స్ 5 కు హాజరవుతారు.  

ఒక మండలంలో 7 క్లస్టర్ కాంప్లెక్స్‌లు ఉంటే, ఇదే జతచేసే విధానాన్ని పాటిస్తారు. మొదటి ఆరు కాంప్లెక్స్‌లను జతలుగా (1 & 2, 3 & 4, 5 & 6) విభజించి, మిగిలిన 7వ కాంప్లెక్స్‌ను ఉపాధ్యాయుల సంఖ్య ఆధారంగా ఇప్పటికే జతచేసిన కాంప్లెక్స్‌లలో సర్దుబాటు చేస్తారు. 

 

*ఏకోపాధ్యాయ పాఠశాలలు (Single-Teacher Schools):*

 

ఏకోపాధ్యాయ పాఠశాలలో పనిచేసే రెగ్యులర్ ఉపాధ్యాయుడు (SGT) ప్రతి నెలా మూడవ శనివారం నాటి క్లస్టర్ కాంప్లెక్స్ శిక్షణకు హాజరుకావాలి. ఆ సమయంలో పాఠశాలలో బోధన నిరంతరాయంగా సాగడానికి CMRT/క్లస్టర్ టీచర్‌ను తాత్కాలికంగా ఆ పాఠశాలలో నియమిస్తారు. 

 

*ఉన్నత/సెకండరీ స్థాయి (Secondary) క్లస్టర్ కాంప్లెక్స్ సమావేశాలు:*

 

రెండు పక్కపక్క మండలాల ఉపాధ్యాయులను కలిపి, ప్రతి సబ్జెక్టుకు కేటాయించిన నిర్దిష్ట సబ్జెక్ట్ క్లస్టర్ కాంప్లెక్స్ వద్ద సబ్జెక్టుల వారీగా సమావేశాలు నిర్వహిస్తారు.

రెండు సబ్జెక్టుల ఉపాధ్యాయులు ఒక మండల కేంద్రంలో, మిగిలిన రెండు సబ్జెక్టుల ఉపాధ్యాయులు పక్క మండల కేంద్రంలో సమావేశాలకు హాజరవుతారు.

 

*భాషా సబ్జెక్టులు (Languages):*

 

భాషా సబ్జెక్టులు (తెలుగు, హిందీ, ఇంగ్లీష్) మరియు ఫిజికల్ ఎడ్యుకేషన్ (పీడీ/పీఈటీ) కాంప్లెక్స్ సమావేశాలు ప్రతి నెలా మూడవ శనివారం నిర్వహించబడతాయి.  

మండల కేంద్రం - 1: తెలుగు మరియు ఇంగ్లీష్ ఉపాధ్యాయులు  

పక్క మండల కేంద్రం - 2: హిందీ మరియు వ్యాయామ ఉపాధ్యాయులు (Physical Education) 

 

*నాన్-లాంగ్వేజ్ సబ్జెక్టులు (Non-Languages):*

 

 నాన్-లాంగ్వేజ్ సబ్జెక్టుల (గణితం, భౌతిక శాస్త్రం, జీవ శాస్త్రం, సాంఘిక శాస్త్రం) కాంప్లెక్స్ సమావేశాలు ప్రతి నెలా నాల్గవ శనివారం నిర్వహించబడతాయి.  

మండల కేంద్రం - 1: గణితం మరియు సాంఘిక శాస్త్ర ఉపాధ్యాయులు  

పక్క మండల కేంద్రం - 2: భౌతిక శాస్త్రం మరియు జీవ శాస్త్ర ఉపాధ్యాయులు  

ఈ నేపథ్యంలో, ప్రాథమిక స్థాయి ఉపాధ్యాయులకు (3, 4, 5 తరగతులు) మరియు సెకండరీ స్థాయి నాన్-లాంగ్వేజ్ ఉపాధ్యాయులకు (గణితం, ఫిజికల్ సైన్స్, బయోలాజికల్ సైన్స్, సోషల్ స్టడీస్) నాల్గవ శనివారం అనగా 22-08-2026 న క్లస్టర్ కాంప్లెక్స్ సమావేశం నిర్వహించబడుతుంది. సంబంధిత అధికారులు అందరూ కేటాయించిన ఉపాధ్యాయులు 100% హాజరయ్యేలా మరియు ఆమోదించిన ఎజెండా ప్రకారం కార్యక్రమం జరిగేలా చూడాలి.

 

 

 

🌹